Куз-қиш мавсумига тайёргарлик қандай олиб борилмоқда?

 

2022 йилнинг январь ойи охирида Ўзбекистон ва қўшни давлатлар электр энергияси тизимидан оммавий узилганди. Бунга тизимдаги техник носозликлар сабаб қилиб кўрсатилганди. Иқтисодиётнинг энг муҳим тармоғининг узлуксиз ишлаши муҳим аҳамиятга эга. Айни кунларда юртимизда совуқ кунлар бошланди. Айрим вилоятларнинг тоғли ҳудудлари қор билан қопланди. Хўш, куз-қиш мавсумига тайёргарлик кўнгилдагидекми? Ўтган йилларда кузатилган электр энергияси таьминотидаги айрим муаммолар бу йил ҳам давом этадими? Шу масалага ойдинлик киритиш мақсадида Zamon.uz мухбири мутахасисга юзланди.

 

“Ўзенергоинспекция” ахборот хизмати раҳбари Наврўз Норбобоев,

 

—   Жорий йил куз-қиш мавсумида айнан энергитика тизимида анча ишлар қилинди. 2022-2023 йиллар куз-қиш мавсумини беталофат ўтказиш мақсадида 3207 та ижтимоий соҳа объектидаги ўрнатилган ташқи, ички электр ва иссиқлик қурилмалари ҳамда иситиш учун ўрнатилган қозонларнинг ҳолати юзасидан ўтказилган ўрганишларда 1995 та муассасанинг техник ҳолати қониқарсиз эканлиги аниқланди. Шунингдек, кўмир омборларида кўмир ёқилғисининг сақланиши ҳолати юзасидан кўмир билан ишлайдиган 2687 та муассасанинг 834 таси кўмир сақлаш омборининг қониқарсиз ҳолати маълум бўлди.

 

Бундан ташқари мутахасиснинг маълум қилишича, 2022-2026 йилларда Республикамиз ҳудудларини комплекс ижтимоий-иқтисодий ривожлантириш ва аҳоли турмуш даражасини янада яхшилаш мақсадида 468 та трансформатор пункти, 3719 км узунлигида электр тармоғидан реконструкция қилиш ва янгидан қуриш ишлари бажарилган, 62 та электр қурилма ва 285 км узунликдаги электр тармоқлари эксплуатацияга қабул қилинган.