“Футболга қайтмаслигимга ишончим комил”
Игуаин фаолиятини кучли танқидлар сабаб якунлади.
366 та гол, 127 та голли узатма, 785 та ўйин ва 14 та соврин - Гонсало Игуаин МLSда ўзининг узоқ йиллик ёрқин карЬерасига якун ясади. Октябрь ойи бошида у мавсум тугаши биланоқ футболдан кетишини эълон қилганди. Бироқ бу вақт плей-оффнинг 1/8 финалига тўғри келди.
Хайрлашув жараёнлари шу қадар ҳаяжонли кечдики, Игуаин кўз ёшларини тия олмади. 17 мавсумдан сўнг унинг фаолият йўли ниҳоясига етди. Европанинг “Реал” Мадрид”, “Наполи”, “Ювентус”, “Челси” ва “Милан” клубларида ёрқин ўйинлар кўрсатди. Карьерасида пасайиш туфайли у АҚШга кўчиб ўтганди.
“Энг яхши кўрган нарсамни йўқотганимни ҳис қилдим”, — деб тан олди Игуаин хайрлашув маросимидан кейин. Фаолиятимнинг турли даврларига оид суратларни кўрдим. Мен қандай яшадим, қандай ишладим, нимани бошдан кечирдим... Айни дамда жуда ҳам хурсандман, чунки бугунгача футболга боримни бердим. Бу энг муҳими”.
Игуаин 34 ёшида футбол билан хайрлашишга қарор қилганига асосий сабаб бу унга бўлган кўплаб танқидлар. Яқинда у бу ҳолатларга чидаб бўлмаслигини тан олди. Энг муҳими, Игуаин Аргентина сафида ҳам муҳим ютуқларни қўлга киритди.
2019 йилда Игуаин бирорта совринни ютмай, термадаги фаолиятини якунлаётганини малум қилганди.
“Жамоа билан нормал муносабатдаман. Мен термадан кетмоқчиман, - деган ўшанда футболчи. Бу вақтга келиб унинг терма жамоадаги ўйинини танқид қилиш чегаралардан ошиб кетган эди. Ҳатто футболчининг оиласи ҳам танқид остига олинган.
Габриел Батистута
Аргентина терма жамоасининг собиқ ҳужумчиси.
“Игуаин ажойиб ҳужумчи. Уни бутун дунё ҳурмат қилади. Лекин Аргентинада эмас. Гонсало муҳим ўйинларни бир неча бор ўтказиб юборди. Жаҳон чемпионати - 2014, Германия билан узоқ кутилган кубок учун кураш. Бошқа чемпионатларда футболчи мухлислар томонидан кучли танқид қилинган. Сабаби у бир нечта финалларда гол уришни эплай олмаган”.
Ҳужумчи мана шу ҳолатларга қуйидагича фикр билдирган:
“Мен жаҳон чемпионатида Бельгияга гол уриб, жамоани 24 йил ичида биринчи марта ярим финалга олиб чиқдим”, - деди Игуаин. Аммо одамлар фақат хатоларни эслашади. Футбол шундай. Мен ҳақимда айтилган гаплар туфайли оилам қандай азоб чекаётганини кўрдим. Одамлар буни ўйламасдан қилишади. Ўзларини ҳеч қачон бизнинг ўрнимизга қўймайдилар”.
Лионел Месси, Игуаин ниҳоят футбол билан хайрлашишга қарор қилгани ҳақидаги хабардан сўнг, афсус билан шундай деди:
“Менимча, одамлар жуда адолатсиз қилишди. Журналистлар унга ёмон муносабатда бўлишди ва одамлар у ҳақида гапиришга мажбур бўлди. Унинг аҳволи даҳшатли, чунки Гонсало ёрқин карьерасини ўтказди. У дунёнинг энг яхши жамоаларида ўйнади, голлар урди, чемпион бўлди, лекин айнан Аргентинада қадр топмади”.
Фyтболчи фаолиятини тугатганидан сўнг шундай деди:
“Ўтган куни мен ортда қолган ҳамма нарса ҳақида ўйладим: истайсизми, йўқми, руҳиятга таъсир қилган йиллар талаблари, масъулияти, мамлакатдан мамлакатга кўчиш ҳақида. Ва ҳақиқат шундаки, мен ҳозир жуда хурсандман, жуда хурсандман. Мен хоҳлаган нарсамга эришдим: босим, талабчанлик, доим мен ҳақимда гапирадиган матбуот, мухлисларнинг таҳқиридан қутилдим. АҚШда футбол биринчи ўринда эмас. Бироқ лига ўсиб бормоқда ва ўсишда давом этади. Лекин бу ерда одамлар сизни хатога йўл қўйганингиз ёки гол урмаганингиз, қизил карточка олганингиз ёки четлатилмаганлигингиз учун ёмон муносабатда бўлишмайди. Ва матбуот билан ҳам худди шундай. Мен бу ерда тинчгина хоҳлагандек яшайман. Мен жуда хурсандман ва бу қарорни қабул қилганимдан мамнунман. Энди футболга қайтмаслигимга ишончим комил”.
