Клопп ўз футболчисини мақтади
Кеча “Ливерпул” навбатдаги турда уч очкони қўлга киритди.
“Ливерпул” бош мураббийи Юрген Клопп Англия премьер-лигасининг 12-тури доирасида “Вест Ҳем Юнайтед”га қарши ўйиндан сўнг уругвайлик ҳужумчи Дарвин Нунес ҳақида гапирди. Баҳс “Ливерпул” клубининг 1:0 ҳисобидаги ғалабаси билан якунланди.
“У бу учрашувда ажойиб ўйин кўрсатди. Нунес улкан истеъдод эгаси. У эндигина 22 ёшга тўлди. Футболчимнинг кечаги ўйинидан хурсандман», — дея Клоппнинг сўзларидан “BBC” нашри иқтибос келтирди.
Эслатиб ўтамиз, учрашувнинг 22-дақиқасида “мерсисайдликлар” олдинга чиқиб олишди, ўшанда ҳимоячи Константинос Тсимикаснинг узатмасидан сўнг Дарвин Нунес гол уришга муваффақ бўлди.
Ушбу ғалабадан сўнг “Ливерпул” 16 очко билан турнир жадвалида 7-ўринга кўтарилиб олди. “Вест Ҳем” 13-ўринда қолди. “Болғачилар” ҳисобида 11 очко бор.
