Афсонанинг ишлари ҳозирча юришмаяпти
Англияда яна бир мураббий ишдан кетди.
Бирмингемнинг “Астон Вилла” клуби бош мураббий Стивен Жеррарднинг ишдан бўшатилганини эълон қилди.
“Биз Стивенга машаққатли меҳнати ва фидойилиги учун миннатдорчилик билдирамиз ва унга келажакдаги фаолияти учун энг яхши тилакларни билдирамиз”, — деди клуб вакилларидан бири.
Эслатиб ўтамиз, “Астон Вилла” 11 турдан кейин 9 очко билан АПЛ турнир жадвалида 17-ўринда бормоқда. Жеррард 2021 йилнинг ноябрь ойида жамоани қабул қилиб олганди. Унинг қўл остида “Астон Вилла” ўтган мавсум турнир жадвалида 14-ўринни эгаллади.
“Эвертон” жамоасини бошқариб келаётган “Челси” афсонаси Фрэнк Лэмпард ҳам ишидан айрилиш арафасида. Унинг жамоаси Премьер-лиганинг тўрт ўйинидан бери мағлубиятга учраб келмоқда.
