“Олтин тўп-2023”га ҳам номзодлар эълон қилинди

 

Бир неча кун олдин бу йилги “Олтин тўп” соҳиби маълум бўлди. Келаси йилги совринга даъвогарлар рўйхати ҳам аллақачон пайдо бўлди. “Goal.com” сайти футболчиларнинг жорий мавсумдаги ўйинларига қараб рейтинг тузиб чиқди. Статистик маълумотлар футболчиларнинг клублар ва терма жамоалар ўйинларидаги голлари ва узатмаларини кўрсатади.

 

Қуйида кучли ўнталик ҳақида маълумотга эга бўлишингиз мумкин.

 

Фил Фоден (“Манчестер Сити”)

 

2022/2023 йилги мавсумдаги статистика: 7 та гол, 3 та голли узатма. Фоден эндигина 22 ёшда, лекин у катта тажрибага эга футболчидек ўйин кўрсатмоқда. Яқинда бўлиб ўтган Манчестер дербисида Ҳоланд билан иккиси яхши кўрсаткичга эга бўлганди. Фоден учун Қатардаги жаҳон чемпионати муҳим аҳамиятга эга бўлиши мумкин.

 

Муҳаммад Салоҳ (“Ливерпул”)

 

2022/2023 йилги мавсумдаги статистика: 11 гол, 4 голли узатма. Мавсум бошланиши Салоҳ учун энг осон бўлмади, аммо сўнгги ҳафталар футболчи бир қатор голлар уришга эришди. Аввалига у Чемпионлар лигасида хет-трик қайд этди, кейин эса “Манчестер Сити” билан ўйинда ғалаба голини киритди. Мавсумнинг иккинчи ярмида мисрлик футболчининг ўйини ўзгариши мумкин деган тахминлар бор. Бошқа томондан, Салоҳ ЖЧда ўйнамайди, демак, унинг “Олтин тўп”ни олиш имконияти унчалик катта эмас.

 

Карим Бензема (“Реал Мадрид”)

 

2022/2023 йилги мавсумдаги статистика: 5 гол, 1 голли узатма. Бензема янги мавсум бошида жароҳат олди ва бу унинг статистикасига таъсир қилди. Бироқ, “Реал Мадрид” ҳар бир турнирда узоққа бориши мумкин, шунинг учун Карим аввалги ҳолатини тиклашга улгуради. Агар Франция терма жамоаси дунёнинг энг кучли жамоасига айланадиган бўлса, Бенземада иккинчи “Олтин тўп” учун курашиш имконияти пайдо бўлиши аниқ.

 

Кевин Де Брюйне (“Манчестер Сити”)

 

2022/2023 йилги мавсумдаги статистика: 2 гол, 12 голли узатма. Де Брюйне бир неча йилдан бери бир мавсумда голли узатма бериш бўйича Премьер-лига рекордини ўрнатмоқда. У Терри Анрининг натижасини такрорлади, аммо Эрлинг Ҳоланднинг ҳозирги ўйини бельгиялик футболчининг рекордини янгилаши мумкин.

 

Кевин ҳамон жаҳон футболидаги энг яхши ижодкор ярим ҳимоячилардан бири ҳисобланади. Бельгия терма жамоаси учун Де Брюйне Қатардаги жаҳон чемпионатида юқори савияни сақлаб туриши муҳим.

 

Виниcиус Жуниор (“Реал Мадрид”)

 

2022/2023 йилги мавсумдаги статистика: 7 та гол, 5 та голли узатма. Винициуснинг ўтган мавсумдаги муваффақиятини тасодиф деб ўйлаган одамлар адашган. У аллақачон ўзини дунёдаги энг хавфли ҳужумкор ўйинчилардан бири сифатида кўрсатди. Ажойиб тезлик ва сезиларли даражада яхшиланган ўйин Винициусни қанот ҳимоячилари учун даҳшатли футболчига айлантирди. Бу мавсум футболчи учун аввалгисидан ҳам яхшироқ бўлиши мумкин. Қолаверса, “Реал Мадрид” қанот ҳимоячисига Бразилиянинг асосий таркибидан жой олиш деярли кафолатланган.

 

Роберт Левандовски (“Барселона”)

 

2022/2023 йилги мавсумдаги статистика: 14 гол, 4 голли узатма. Левандовски клубини ўзгартирди, аммо бу унинг фаолиятига таъсир қилмади. Мавсум давомида у худди шу руҳда давом этса, “Олтин тўп”га даъвогарлар қаторидан жой олади. Агар “Барселона” Чемпионлар лигаси плей-офф босқичига чиқа олмаса, Робертнинг имкониятлари кескин камаяди. Ва бунинг эҳтимоли жуда юқори. Бунинг ўрнини жаҳон чемпионатидаги муваффақиятли ўйин билан қоплашингиз мумкин, аммо Полша термаси сўнгги йирик турнирларда қатнашмайди.

 

Эрлинг Ҳоланд (“Манчестер Сити”)

 

2022/2023 йилги мавсумдаги статистика: 21 гол, 3 голли узатма. Ҳоланд мавсумни “Олтин тўп” учун асосий даъвогар сифатида бошлади, аммо “Goal” нашри уни ҳозирча тўртинчи ўринга қўйди. Нашрнинг таъкидлашича, агар бу йил жаҳон чемпионати бўлмаганида Эрлинг биринчи бўларди. Норвегия терма жамоаси, ўзингизга маълумки, турнирда иштирок этмайди. Бу эса футболчи учун катта минус. Ҳоланд кучли ўйин намойиш қилмоқда ва бирин-кетин рекордларни янгиламоқда. Бироқ Қатардаги жаҳон чемпионати “Олтин тўп” учун овоз бериш натижаларига таъсир қилади.

 

Килиан Мбаппе (“ПСЖ”)

 

2022/2023 йилги мавсумдаги статистика: 13 гол, 1 голли узатма. Мбаппенинг келажаги ҳақида гап-сўзлар бутун мавсум давомида аҳамиятини йўқотмаса керак. Албатта, бу нафақат футболчини, балки клубни ҳам чалғитади. Килианнинг бундай шароитда қандай ўйнаши аниқ эмас, чунки бутун футбол олами уни яқин ойларда диққат билан кузатиб боради. Баъзи жавобларни бўлажак Жаҳон чемпионати беради. Франция терма жамоаси чемпионликни ҳимоя қилиш учун Қатарга келади.

 

Неймар (“ПСЖ”)

 

2022/2023 йилги мавсумдаги статистика: 13 гол, 11 голли узатма. Неймар ўтган мавсум охирида “Олтин тўп” учун номзодлар рўйхатига киритилмаганди. Ҳозир у 30 ёшдан ошган ва кўпчилик ҳужумчи фаолиятидаги энг яхши босқич аллақачон ортда қолган деб ўйлаши мумкин. Ҳозирча тарихдаги энг қиммат футболчи бу мавсумда даҳшатли ўйин кўрсатмоқда. Келаси ой у ЖЧ-2022 фаворитларидан бири Бразилия етакчиси сифатида Қатарга боради. Муваффақиятли ўйин кўрсатса, ҳужумчи “Олтин тўп”ни олиш имкониятини оширади.

 

Лионел Месси (“ПСЖ”)

 

2022/2023 йилги мавсумдаги статистика: 12 гол, 8 голли узатма. Месси ўтган мавсум якунида “Олтин тўп”га даъвогарлар 30 талигига киритилмаганди. Бу эса кўплаб баҳс-мунозараларга сабаб бўлмади. Месси янги мавсумни аввалгисидан анча яхши бошлади. Бироқ, кўп нарса Леонинг бўлажак жаҳон чемпионатида қандай иштирок этишига боғлиқ.