FIFА яна бир ислоҳотни амалга оширади
Энди футболчиларнинг трансфери устидан назорат кучайтирилади.
FIFА президенти Жанни Инфантино янги ислоҳот ҳақида гапириб, ундан кўзланган мақсад футболчиларнинг трансферлари устидан назоратни кучайтиришдан иборатлигини айтди.
“Халқаро трансфер регламенти ислоҳоти аниқ хабар беради. FIFА ўйинлар яхлитлигини ҳимоя қилиш ва баҳсларнинг бирдамлик ва ошкоралик руҳида муаммосиз ўтишини таъминлаш тарафдори. Футбол ҳисобдорликка асосланган ва ўйиннинг барча даражаларида адолатли қайта тақсимлашни қўллаб-қувватлайдиган трансфер тизимини яратиши керак”, — дея Инфантинонинг сўзларидан FIFА расмий сайти иқтибос келтирди.
2022 йил 16 ноябрда кучга кирадиган қоидалар клублар ўртасидаги тўловларни марказлаштириш, қайта ишлаш ва автоматлаштиришни амалга оширадиган меъёрлар тўплами бўлиб, халқаро трансфер тизими доирасида молиявий шаффофлик ва адолатни таъминлаши керак.
