Аргентина бу йилги жаҳон чемпионати ғолибига айланиши мумкинми?
Бу бўйича тадқиқот ўтказилди.
“BCA Research” суперкомпютери Аргентина 2022 йилда Қатарда бўлиб ўтадиган футбол бўйича жаҳон чемпионатида ғолиб чиқишини башорат қилди. Бу ҳақда “FourFourTwo” нашри хабар берди.
“BCA Research” тадқиқоти “EA Sport FIFA” ва 2006, 2010, 2014 ва 2018 йиллардаги жаҳон чемпионатларида ўтказилган 192 гуруҳ босқичи ва 64 та плей-офф ўйинлари намунасига асосланган.
Прогнозга кўра, Аргентина финал ўйинида олдинроқ ярим финалда Англия терма жамоасини мағлуб этган Португалия термасини мағлуб этади.
Эслатиб ўтамиз, футбол бўйича 22-жаҳон чемпионати 2022 йилнинг 20 ноябридан 18 декабрига қадар Қатарда бўлиб ўтади. Аргентина терма жамоаси “C” гуруҳида Мексика, Саудия Арабистони ва Полша билан куч синашади.
