Махачевнинг навбатдаги жанги кимга қарши бўлади?

 

Яқинда Бирлашган Араб Амирликларида ўтган UFC турнирида россиялик Ислом Махачев енгил вазн тоифасида янги UFC чемпионига айланди. Ҳабиб Нурмагомедовнинг дўсти камар учун жиддий кураш олиб борди. Махачевни энг иқтидорли шогирдларидан бири деб билган Абдулманап Нурмагомедов ҳам шуни хоҳларди.

 

Махачев Оливейрани ишончли тарзда мағлуб этди. Энди жангчи учун янги имкониятлар очилмоқда. Кўпчилик Исломда кучли тайёргарлик йўқ, деб ҳисоблайди, аммо ҳозирги чемпионлик мақоми унинг обрўсини янада оширади. Шу билан бирга, Махачев Ҳабибнинг даражасига чиқиши учун унинг олдида ҳали кўп вазифалар бор.

 

Енгил вазн тоифасидаги чемпионлик учун навбатдаги давогар Алекс Волкановски бўлиши барчага маълум бўлиб улгурган. У “UFC 280” турнирида Ислом билан куришишга ҳам эришди.

 

Алекс вазн тоифасидан қатъи назар, енгил вазн тоифасида ўз мақомини жуда кўп вақт ушлаб турди. У энди янги мақсадларни олдига қўймоқда.

 

Бироқ, Волкановски бу тўқнашувда фаворит бўлиши даргумон, чунки Алекс ҳатто ўз вазн тоифаси учун ҳам энг кучли жангчи эмас. Енгил вазн учун австралиялик жангчининг бўйи кичкиналик қилади. Унинг бўйи 1,68 см, Махачев эса ундан 10 см узонроқ. Шу билан бирга, Ислом янада кучлироқ жангчига айланиши мумкин. Сабаби, у охирги жангда ўзига бўлган ишончини орттирди. Шунинг учун масъулиятлироқ бўлишга ҳаракат қилади. 

 

Волкановски билан жанг ҳақиқатдан ҳам эҳтимолга жуда яқин. Бироқ, бошқа вариантлар ҳам бор. Ислом, Ҳабибдан фарқли ўлароқ, ярим ўрта вазн тоифасига ўтишга қарши эмас. Ҳозир бу унчалик муҳим эмас. Чунки, Ислом эндигина камарни қўлга киритди ва у кейинги жанг ҳақида ҳозирча ўйлагани йўқ.

 

Яқинда Усмон Леон Эдвардс билан реванш жангини ўтказади, Чимаев эса Ковингтон билан тўқнаш келиши мумкин. Шунинг учун, яқин келажакда мутлоқ чемпионлик учун кураш қизиши турган гап. Шу тариқа Махачев бир нечта ҳимоя жангини ўтказиши керак бўлади. Шундан сўнг у вазнини ўзгартириши мумкин. Ижтимоий тармоқларда тарқалган сўнгги хабарларга кўра Махачев Ҳамзат Чимаев билан ҳам жанг қилиш эҳтимоли бор.

 

Аммо енгил вазн тоифасида ҳам бир қанча вариантлар мавжуд. Дана Уайт Конорни қанчалик ҳурмат қилишини ҳамма билади. Яқинда Макгрегор Жастин Гетжига қарши жанг қилиши ҳақида миш-мишлар тарқалди. Агар Волкановски енгил вазнда жанг қилиш ғоясидан воз кечса ва Конор тўсатдан Гетжини мағлуб этса, мухлислар кутаётган нарса содир бўлиши мумкин. Яъни, Ислом Махачев ва Конор Макгрегор жанги кўплаб ишқибозларнинг диққат марказида бўлиши турган гап.

 

Негаки, буни Дана Уайтнинг ўзи ҳам орзу қилаётган бўлса, ажабмас. Бироқ, Макгрегор қачон UFCга қайтиши ҳақида аниқ хабарлар мавжуд эмас.