Роналду Португалиядаги энг қиммат уйни сотиб олди
У “Спортинг”га ўтиши мумкин.
“Манчестер Юнайтед” ҳужумчиси Криштиану Роналду Португалияда 18 миллион еврога вилла сотиб олди. Бу ҳақда “The Sun” нашри хабар бермоқда.
Уй Португалия пойтахти Лиссабондан 40 дақиқалик узоқликда жойлашган. Майдони 2720 квадрат метр бўлган қаср уч қаватдан иборат. Роналду ер сотиб олиш ва вилла қуриш учун 18 миллион евро сарфлаган. Криштианунинг янги уйи Португалиядаги энг қиммат кўчмас мулкка айланди. Вилла 2023 йил бошида фойдаланишга топширилиши кутилмоқда.
Лиссабон яқинида бундай қиммат турар жойни сотиб олиш Роналдунинг “Спортинг”га кўчиб ўтишдан манфаатдор эканлигидан далолат бериши мумкин.
