“Эвертон” йўл қўйган катта хато
Ҳоланд бир вақтлар ливерпулликлар таркибига қўшилиши мумкин эди.
“Манчестер Сити” ҳужумчиси Эрлинг Ҳоланд “Эвертон”га 2 миллион фунт стерлинг эвазига ўтиши мумкин эди. Бу ҳақда “Тоффеэ”нинг собиқ футболчиси ва бош мураббийи Дункан Фергюсон шундай деди.
“Эрлинг Ҳоланд ажойиб футболчи! У ақл бовар қилмайдиган ишларни қиляпти, шундай эмасми? Хоҳ ишонинг, хоҳ ишонманг, у “Эвертон” футболчиси бўлиши мумкин эди. Отаси уни клубга олиб келди, лекин клуб раҳбарияти у билан шартнома имзоламади. Ҳоланд “Эвертон”га 15 ёки 16 ёшида келган, аммо клуб уни сотиб олишни истамаган. Ўша пайтда «Эвертон» буни тўғри қарор деб ўйламаганди”, — деган Фергюсон.
Ўтган трансфер ойнасида Ҳоланд “Боруссия Дортмунд”дан 51 миллион фунт эвазига “Манчестер Сити”га кўчиб ўтганди. “Шаҳарликлар” сафида бу мавсумда норвегиялик футболчи барча турнирларда 16 та ўйин ўтказиб, 22 та гол урди ва 3 та голли узатмани амалга оширди.
