Қарши – Тошкент авиарейси бир кунга кечиктирилди
Бунга ноқулай об-ҳаво шароити сабаб бўлган.
Аввалроқ Қарши халқаро аэропортида ноқулай об-ҳаво (кўришнинг етарли даражада эмаслиги) шароити туфайли 5 ноябрь кунги “HY070 Қарши – Тошкент” йўналишидаги қатнови 6 ноябрь соат 05.30 га мажбурий кўчирилгани маълум қилинганди.
Авиакомпаниянинг хабар беришича, қатнов экипажи соат 05.30 қадар об-ҳаво яхшиланишини кутган ва экипажни иш вақти тугагани маълум бўлган. Ҳаво кемаси сардори қатновни соат 12.00 га кўчиришга қарор қилган.
Бугун, 6 ноябрь куни Қарши – Тошкент йўналишидаги HY-070 рейси белгиланган манзилга етиб борган.
“Uzbekistan Airways” АЖ авиакомпания учун йўловчилар хавфсизлиги юқори ўринда туришини эслатиб ўтган ва келтирилган ноқулайликлар учунузр сўраган.
