Анчелотти хотиржам
У жамоасининг мағлубияти ҳақида гапирди.
Мадриднинг “Реал” клуби бош мураббийи Карло Анчелотти жамоасининг Испания чемпионатининг 13-турида “Раё Валекано”га қарши ўйиндаги мағлубияти (2:3) ҳақида гапирди.
“Бизга янгилик етишмаяпти, лекин кўп ўйинлардан кейин бу нормал ҳолат. Мавсумнинг биринчи қисмига баҳо беришимиз керак. Бугун биз мағлубиятдан хавотирдамиз, лекин Испания чемпионатида яхши ўринга эгамиз ва Чемпионлар лигасининг 1/8 финалидамиз. Энди “Кадис” билан ўйинни яхши якунлашимиз керак”, — дея Анчелоттининг сўзларидан “АS” нашри иқтибос келтирди.
Эслатиб ўтамиз, “Реал” учун кечаги мағлубият Испания чемпионатининг жорий мавсумидаги биринчиси бўлди. 13 турдан кейин жамоа 32 очко билан турнир жадвалида иккинчи ўринда бормоқда. Жамоа пешқадам “Барселона”дан икки очко ортда қолмоқда. Кейинги турда Мадриднинг “Реал” клуби “Кадис” билан куч синашади. Учрашув 10 ноябрь куни бўлиб ўтади.
