Эден “Нюкасл”га ўтишга қарши эмас
Футболчига 20 миллион евро таклиф қилинмоқда.
“Реал” ярим ҳимоячиси Эден Азар қишки трансфер ойнасида АПЛга қайтиши мумкин. “Нюкасл” Бельгия терма жамоаси футболчиси учун 20 миллион евро таклиф қилишга тайёр. 31 ёшли Азарнинг ўзи ҳам аввал “Челси”да ўйнаган, шу боис АПЛга қайтишга қарши эмас. Бу ҳақда “Эл Наcионал” нашри хабар бермоқда.
Эслатиб ўтамиз, 2019 йилда “Реал Мадрид” Лондон клуби футболчиси учун 115 миллион евро тўлаганди. Аммо бельгиялик футболчи уч йил ичида 16 та жароҳат олди, шу сабаб “қаймоқранглилар” сафида бор-йўғи 72 та ўйинда майдонга тушиб, 7 та гол урди ва 11 та голли узатмани амалга оширди. Томонлар ўртасидаги келишув 2024 йилда якунига етади.
