“ПСЖ” яна бир юлдузга “кўз олайтиряпти”
Ҳужумчининг ўзи ҳам Париж клубига ўтмоқчи.
“Атлетико Мадрид” ҳужумчиси Жоау Феликс Лига 1да профессионал фаолиятини давом эттиришга тайёр.
Aввалроқ парижликлар жамоаси раҳбарияти 23 ёшли португалияликнинг эҳтимолий трансфери устида фаол иш олиб бораётгани ҳақида хабар берилганди. Футболчи 2023 йилнинг январида “матрасчилар” лагерини тарк этиши мумкинлиги хабар қилинган. “ПСЖ” клуб спорт директори Луис Кампос ҳамюртини ижарага олишни режалаштирмоқда.
Эслатиб ўтамиз, португалиялик футболчи 2019 йилда 126 миллион евро эвазига “Атлетико”га ўтганди. Шундан сўнг у Симеоне жамоасида 128 ўйинда 32 та гол урди. Жоау Феликс ва матрасчилар ўртасидаги амалдаги келишув 2026 йилнинг 30 июнига қадар амал қилади.
