“Юнайтед”нинг ёш Роналдуси

 

Кеча оқшом “Манчестер Юнайтед” “Фулҳем”дан ғалабани тортиб олишга ҳаракат қилди. 2022 йилги жаҳон чемпионати олдидан Премьер-лиганинг сўнгги турида Лондон клуби Тен Хак жамоасидан очко олишга ҳаракат қилди. Ҳамда ўйин давомида кўплаб имкониятларга эга бўлди. Учрашув 1:1 ҳисобидаги дуранг билан якунланиши ойдинлашаётган эди, аммо 90+3-дақиқада Алехандро Гарначо ғалаба тўпини киритди. Боз устига, ўйинга атиги уч дақиқа қўшиб берилганди.

 

18 ёшли йигит учун бу Премьер-лигадаги биринчи гол. Гарчи. У аллақачон “Манчестер Юнайтед” сафида Чемпионлар лигасида гол уришга эришган. “Хетафе” ва “Атлетико” тарбияланувчиси икки йил олдин Манчестерга келган ва британияликларга 420 минг фунтга тушганди. Гарначо Испания ёшлар терма жамоасида ўйнаган бўлсада, у Аргентинанинг катталар терма жамоасига чақирилган.

 

Бруно Фернандеш

“Манчестер Юнайтед” ярим ҳимоячиси

 

“Гарначода улкан истеъдод бор. Ўзининг меҳнатсеварлиги ва истеъдоди билан захирадан майдонга тушганида ўйин кучайтира олади. Бу ўйинга биринчи марта катта таъсир ўтказаётгани йўқ. Биз у учун жуда хурсандмиз ва биламизки, у гол уриши ва голли узатмани амалга ошириши мумкин. Одатда футболчилар захира ўриндиғида қолишни ёқтирмайди. У энг яхши футболчилардан бири бўлиши мумкин”.

 

Умуман олганда, Гарначо учун бу учрашув Премьер-лигадаги бешинчи ва ушбу чемпионатдаги учинчиси бўлди. Ҳужумчи жорий йилнинг апрель ойида Ралф Рангник қўл остида дебют қилганди. “Скй Спортс” таҳлилчисининг таъкидлашича, Гарначо Премьер-лигада гол урган “Манчестер Юнайтед”нинг энг ёш тўртинчи футболчисига айланди. Ундан аввалроқ Фредерико Мачеда (17 ёш, 227 кун), Денни Уэлбек (17 ёш, 355 кун) ва Маркус Решфорд (18 ёш, 120 кун) қайд этилган. Гарначо Премьер-лигадаги дебют голини урган пайтда 18 ёшу 136 кунлик эди.

 

Премьер-лигадаги дебют голидан сўнг жамоадошлар биргаликда Гарначони табриклашди.

 

Ўйиндан сўнг “Скй Спортс” эксперти (“Манчестер Юнайтед”нинг собиқ ҳимоячиси) Гари Невилл гол Криштиану Роналдунинг бир вақтлар “Фулҳем” дарвозасиги урган тўпига жуда ўхшашлигини таъкидлади: “Мен Роналду неча йил олдин бу ерда гол урганини эслайман. Ўшанда ҳам “Манчестер Юнайтед” ғалаба қозонди”, —  дейди Невилл.

 

“Юнайтед” мухлислари учун кўпроқ хушхабар, инсайдер Фабрицио Романонинг таъкидлашича, клуб аллақачон ҳужумчи билан шартномани узайтириш бўйича музокаралар олиб бормоқда. Трансфермаркт хабарига кўра, футболчининг амалдаги шартномаси келаси ёзда якунига етади.

 

Хуллас, “МЮ” “Фулҳем” устидан қозонилган ғалабадан сўнг 26 очко жамғарди ва жамоа айни дамда турнир жадвалида бешинчи ўринни эгаллаб турибди.