“Бавария” Криштиануга қизиққани йўқ
Клубнинг режаси бошқа.
Мюнхеннинг “Бавария” клуби “Манчестер Юнайтед” ҳужумчиси Криштиану Роналдуга қизиқиш билдирмаяпти. Бундай маълумотлар 37 ёшли футболчининг интервьюсидан сўнг пайдо бўлди. Амалдаги Германия чемпиони футболчининг вакиллари билан ҳеч қандай музокара ўтказмаган. Бу ҳақда “Скй Германй” хабар бермоқда.
Манбага кўра, “Бавария” Роналдунинг ёши ва трансфер бозоридаги бошқа режалари туфайли уни ўз сафига қўшиб олмоқчи эмас.
Роналду жорий мавсумда барча турнирларда 16 та ўйинда 3 та гол урди ва 2 та голли узатмани амалга оширди. Криштиану ва “Манчестер Юнайтед” ўртасидаги келишув 2023 йилнинг ёзида тугайди.
