Роналду Манчестердан “учади”
Футболчининг агенти “Бавария” вакиллари билан учрашди.
Португалиялик ҳужумчи Криштиану Роналду фаолиятини “Бавария”да давом эттириши мумкин. Бу ҳақда “Даилй Маил” нашри хабар берди.
Манбага кўра, Роналду ва унинг агенти Хорхе Мендеш ўтган ҳафтада “Бавария” вакиллари билан учрашган. Қайд этилишича, “Бавария” ҳам Роналдуга қизиқиш билдирмоқда, чунки улар мюнхенликлар клуби ҳужумчиси Садио Маненинг формасидан хавотирда. Клуб Эрик Чоупо-Мотингнинг келажагига ишончи комил эмас.
Олдинроқ, Роналду интервью бериб, у клуб бош мураббийи Эрик тен Хагни ҳурмат қилмаслигини, шунингдек, “Манчестер Юнайтед” томонидан хиёнат қилинганини ҳис қилаётганини айтганди. Шунингдек, португалиялик ҳужумчи жамоани тарк этишга тайёрлигини айтган.
Эслатиб ўтамиз, Роналду “Манчестер Юнайтед”да 2021 йилдан буён тўп суради. Футболчининг клуб билан шартномаси 2023 йилгача мўлжалланган.
