Шакира Қатарда қўшиқ айтмайди
Бу Пике билан боғлиқ вазиятга боғлиқ эмас.
Колумбиялик таниқли қўшиқчи Шакира 2022 йилда Қатарда бўлиб ўтадиган футбол бўйича жаҳон чемпионатининг очилиш маросимида чиқиш қилмайди. Бу ҳақда “Марcа” нашри хабар берди.
Манбага кўра, қўшиқчи турнир бошланишига бир неча кун қолганида мамлакатда инсон ҳуқуқларининг бузилиши оқибатида Қатардаги сиёсий режим танқид қилинаётган бир пайтда концерт беришдан бош тортган. Аввалроқ Дуа Липа ва Род Стюарт ҳам жаҳон чемпионатининг очилиш маросимида чиқиш қилмаслиги хабар қилинганди.
Эслатиб ўтамиз, Шакира 2010 йилда Жанубий Африкада бўлиб ўтган жаҳон чемпионатининг расмий мадҳиясига айланган “Wака Wака” қўшиғининг муаллифи ҳисобланади.
