Ҳали бунинг вақти эмас
Роналду фаолиятини қачон якунлашини маълум қилди.
Криштиану Роналду профессионал футболчилик фаолиятини якунламоқчи эмас. Сўнгги можаролар ва “Манчестер Юнайтед” билан шартнома бекор қилиниши мумкинлигига қарамай, у фаолиятини юқори савияда давом эттирмоқчи. 37 ёшли ҳужумчининг сўзларига кўра, бир неча йилдан кейингина футболчи фаолиятини тўхташни режалаштирмоқда.
“Яна максимал 2-3 йил ўйнашни хоҳлайман, 40 ёшда тугатмоқчиман, бу энг яхши ёш. Мен келажакни билмайман. Баъзан сиз ҳаётингизда ниманидир режалаштирасиз, лекин баъзан нима бўлишини ҳеч қачон билмайсиз”, — дея “Скй Спортс” нашри футболчининг сўзларидан иқтибос келтирди.
