“Жуда яхши фантазия”
Роналду жаҳон чемпионати финалида Мессига қарши ўйин ҳақида гапирди.
“Манчестер Юнайтед” ҳужумчиси Криштиану Роналду Қатарнинг жаҳон чемпионатини ўтказишга тайёрлиги ҳамда турнир финали ҳақида ўз фикрларини билдирди.
“Менимча, Қатар жаҳон чемпионатини ўтказишга тайёр. Мавсум ўртасида ўйнаш ғалати, лекин айни пайтда қийинчилик ҳам туғдиради. Ва бу яхши. Мен ўзимни ажойиб ҳис қиляпман. Жаҳон чемпионати финалида Мессига қарши ўйнаш?! Ажойиб бўларди. Жуда яхши фантазия”, — дея Роналдунинг сўзларидан “Тҳе Сун” нашри иқтибос келтирди.
Эслатиб ўтамиз, жаҳон чемпионати якшанба куни бошланади. Турнирнинг очилиш ўйинида Қатар ва Эквадор терма жамоалари майдонга тушади.
