Азар ҳижолат чекаётганини ошкор қилиб қўйди
У ўзини “Реал” сафида Чемпионлар лигасини ютмаганман деб ҳисоблайди.
“Реал Мадрид” ва Бельгия терма жамоаси ярим ҳимоячиси Эден Азар Мадрид клубидаги омадсиз фаолияти ҳақида гапирди.
“Мен “Реал”даги вақтимни омадсизлик деб биламан. Бунчалик кўп жароҳат олиш нормал ҳолат эмас, менда нималарга қодир эканлигимни кўрсатиш имконияти ҳеч қачон бўлмаган. Ўзим учун Чемпионлар лигасида ғалаба қозона олмадим. 1/8 финалда “ПСЖ”га қарши ўйнадим, лекин уларга ҳеч қандай қаршилик кўрсата олмадим. “Челси”да доимо энг зўри бўлганман. “Реал”да эса фақат Зидан даврида яхши ўйинлар ўтказдим. Анчелотти билан кўп гаплашмайман. Умуман олганда, мен ҳеч қачон мураббийларим билан кўп гаплашмайман. Чунки мен нима қилиш кераклиги ҳақида кўрсатма кутаётган футболчилардан эмасман”, — дея Азарнинг сўзларидан “Мундо Депортиво” нашри иқтибос келтирди.
Жорий мавсумда Азар клуб сафида 6 та ўйинда майдонга тушди ва битта голли узатмани амалга оширди.
