Роналдуга яна бир “зарба”
У 16 млн фунтдан қуруқ қоляпти.
Кеча “Манчестер Юнайтед” раҳбарияти ҳужумчи Криштиану Роналду билан ўртадаги шартномани бекор қилди. Лекин бир қанча нашрлар клуб португалиялик футболчига компенсация тўламоқчи эмаслиги ҳақида хабар бермоқда.
Клуб ҳамда футболчи ўртасидаги амалдаги шартнома 2023 йилнинг 30 июнига қадар давом этиши керак эди. Манбалар Роналду битимни бекор қилиш орқали 16 миллион фунтдан қуруқ қолганини таъкидламоқда.
Алоқанинг тамоман узилишига Роналдунинг ўз интервьюсида клуб раҳбарияти ва бош мураббийни кескин танқид қилгани сабаб бўлгани айтилмоқда.
Эслатиб ўтамиз, футболчининг ўзи айни пайтда Қатардаги жаҳон чемпионатида қатнашмоқда. Португалия терма жамоаси Гана, Жанубий Корея ва Уругвай билан бир гуруҳдан жой олган.
