ЖЧ-2022: Биринчи тур ҳақида сиз билмаган фактлар
Бугун иккинчи тур баҳсларига старт берилди.
Айни вақтда Қатардаги жаҳон чемпионати ўзининг қизғин палласига кириб бормоқда. Мусобақанинг 1-тур ўйинлари аллақачон ортда қолди. Биз 16 та ўйин натижаларига кўра қизиқарли фактларни тўпладик.
1. Қатар тарихда мағлубият билан бошлаган биринчи жаҳон чемпионати мезбон давлатига айланди.
2. ЖЧ-2022даги илк голни эквадорлик Эннер Валенция киритди. У Қатар билан ўйинда (2:0) пенальтини голга айлантирди. Тарихда биринчи марта жаҳон чемпионати 11 метрлик зарба билан очилди.
3. Жуд Беллингҳам 2000 йилдан кейин туғилган жаҳон чемпионатида гол урган биринчи футболчи айланди. 19 ёшли англиялик ҳужумчи Эронга қарши баҳсда гол урди.
4. Англия ва Эрон терма жамоалари жаҳон чемпионатлари тарихидаги энг узоқ давом этган ўйинни ўтказишди (қўшимча вақтни ҳисобга олмаганда). Жамоалар майдонда 117 дақиқаю 16 сония вақт ўтказишди.
5. Аргентина Саудия Арабистонига 1:2 ҳисобида мағлуб бўлди ва 2019 йил июлидан бери давом этган 36 ўйиндан иборат мағлубиятсиз церийаси якунига етди.
6. Роберт Левандовски ЖЧ-2022да пенальтидан фойдалана олмаган биринчи футболчига айланди. Унинг пенальтидан тепган зарбасини мексикалик дарвозабон Гилермо Очоа қайтарди.
7. Амалдаги жаҳон чемпионлари 2006 йилдан бери биринчи марта турнирни ғалаба қозониш билан бошлашди.
8. Оливе Жиру Австралия дарвозасига икки бор гол урди ва Франция терма жамоаси сафида гол уриш бўйича Тери Анрининг рекордини такрорлади.
9. 37 ёшли Лука Модрич учта жаҳон чемпионати ва яна шунча Европа чемпионатида ўйнаган тарихдаги биринчи футболчи бўлди.
10. Германия терма жамоаси кетма-кет иккинчи жаҳон чемпионатидаги очилиш ўйинида мағлуб бўлди. Тўрт йил аввал Россияда немислар Мексикага мағлуб бўлганди.
11. Испания 16 йил ичида биринчи марта жаҳон чемпионатини ғалаба билан бошлади. 2006 йилда испанлар Украинани мағлуб этишган (4:0), кейинги учта турнирда дебютда муаммоларга дуч келишган. 2010 йилда Швейтсарияга (0:1), 2014 йилда Голландияга (1:5), 2018 йилда Португалияга (3:3).
12. Гави - жаҳон чемпионатида Пеледан кейин энг ёш тўпурар. Испаниялик футболчи Коста-Рика билан ўйинда (7:0) 18 ёшу 110 кунлигида, бразилиялик 1958 йилги жаҳон чемпионатида 17 ёшу 249 кунлигида гол урган.
13. Испания Коста-Рикага қарши ўйинда 81,7% тўпга эгалик қилди. Бу жаҳон чемпионатлари тарихидаги энг яхши натижадир.
14. Жон Хердман - тарихда эркаклар ва аёллар ўртасидаги жаҳон чемпионатларида ишлаган биринчи мураббий. У аёллар ўртасидаги жаҳон чемпионатида уч марта қатнашган (2007, 2011, 2015).
15. Канада терма жамоаси сардори Атиба Хатчинсон 1-турда ўйнаган энг кекса футболчи (39 ёш 290 кун).
16. Криштиану Роналду ва Лионел Месси бешта жаҳон чемпионатида иштирок этган футболчилар қаторига киришди.
17. Криштиану Роналду жаҳон чемпионатида клубсиз қолган ягона футболчи айланди.
18. ЖЧ-2022 1-туридаги энг тезкор гол австралиялик Крейг Гудвин томонидан киритилди. У учрашувнинг 9-дақиқасида тўпни французлар дарвозасига киритди.
19. 2022 йилги жаҳон чемпионатининг 1-турида тўртта голсиз дуранг қайд этилди. Тўрт йил олдин Россияда фақат французлар ва данияликлар дуранг ўйнашган. Қатарда бўлиб ўтган мусобақада Дания-Тунис, Мексика-Полша, Марокаш-Хорватия ва Уругвай-Жанубий Корея ўртасидаги баҳслар голсиз якунланди.
20. 1-турда қизил карточка кўрсатилмади.
21. Умуман олганда, ҳакамлар 1-тур учрашувларига 178 дақиқа қўшиб беришди, яъни ўртача ҳисобда ҳар бир ўйинда тахминан 11 дақиқа компенсация қилишди.
