Пулишичнинг мазаси жойида
У кеча жароҳат олганди.
Америкалик ярим ҳимоячи Кристиан Пулишич Эрон терма жамоасига қарши ЖЧ-2022 гуруҳ босқичи 3-тур учрашувида (1:0) жароҳат олди. Эслатиб ўтамиз, Пулишич учрашувнинг 38-дақиқасида гол уриб, бошқа футболчига бориб урилганди. Ярим ҳимоячи ўйинни давом эттирди, аммо танаффусда жароҳати туфайли алмаштирилди.
АҚШ терма жамоаси матбуот хизмати хабарига кўра, тиббий кўрик давомида Пулишичга тос суягининг чайқалиши ташхиси қўйилган. Катта эҳтимол билан футболчи терма жамоанинг ЖЧ-2022даги навбатдаги ўйинида иштирок этиши мумкин.
АҚШ терма жамоаси “Б” гуруҳида иккинчи ўринни эгаллаб, Қатарда бўлиб ўтаётган жаҳон чемпионатининг плей-офф босқичига йўл олди. Турнирнинг 1/8 финалида Шимолий Америка терма жамоаси Голландия билан куч синашади. Учрашув 3 декабрь куни бўлиб ўтади.
