Мексика билан бирга мураббийи ҳам кетди
Жамоа кейинги босқичга чиқолмади.
Мексика терма жамоаси бош мураббийи Херардо Мартино Саудия Арабистони терма жамоаси билан ўйиндан сўнг истеъфога чиқишини маълум қилди.
“Ўйин тугаганидан сўнг жамоа билан шартномам тугади”, — дея Мартинонинг сўзларидан “ФОХ Спортс” нашри иқтибос келтирди.
Эслатиб ўтамиз, Мексика терма жамоаси Саудия Арабистони терма жамоасини 2:1 ҳисобида мағлуб этди, аммо бу жаҳон чемпионатининг плей-офф босқичига чиқиш учун етарли эмас эди. Полша якуний жадвалда Мексикадан ўзиб кетди ва қўшимча кўрсаткичлар бўйича 1/8 финалга чиқди. Жаҳон чемпионатида урилган ва ўтказиб юборилган голлар ўртасидаги фарқ кўрсаткичи муҳим роль ўйнади.
