Йигирма бешга йигирма
Роналду билан боғлиқ яна битта сир очилди.
Португалия терма жамоаси ҳужумчиси Криштиану Роналду жаҳон чемпионатида 100 та зарба йўллаган биринчи футболчига айланди.
Шунингдек, португалиялик тарихда жаҳон чемпионати ва Европа чемпионатида 20 дан ортиқ ўйин ўтказган биринчи футболчи бўлди. У Европа турнирида 25 учрашувда қатнашган, жаҳон чемпионати баҳсларида 20 марта майдонга тушган. Жанубий Корея терма жамоаси билан баҳс футболчи учун 20-ўйин бўлди.
Эслатиб ўтамиз, 37 ёшли португалиялик ҳужумчи собиқ жамоаси “Манчестер Юнайтед” билан шартномасини бекор қилганидан сўнг эркин агент мақомида бўлиб турибди. 1/8 финалда Португалия “Г” гуруҳида иккинчи ўринни эгаллаган жамоа билан ўйнайди. “Г” гуруҳида Бразилия, Швейцария, Камерун ва Сербия терма жамоалари ўрин олган.
