Бракамонте ғалати гап айтди
У Месси ҳақида гапирган.
“Ростов”, “Терек” ва “Москва” клубларининг собиқ футболчиси Эктор Бракамонте Аргентина терма жамоасининг Австралия терма жамоаси билан Қатарда бўлиб ўтаётган жаҳон чемпионати 1/8 финал учрашувидаги ғалабаси ҳақида гапирди.
"Бу Месси! Бу Аргентина! Бу бўлажак жаҳон чемпиони! Аналитика нима ўзи? Ҳозирча бу муваффақиятни нишонлаймиз. Олға Аргентина!”, — деди собиқ футболчи.
Эслатиб ўтамиз, Мессининг голи Аргентинага Австралия термасини мағлуб этишга (2:1) ва жаҳон чемпионатининг чорак финалига чиқишга ёрдам берди. Бироз олдин Голландия терма жамоаси ҳам жаҳон чемпионатининг чорак финалига йўлланмани қўлга киритганди.
Аргентина ва Голландия терма жамоалари ўртасидаги ўйин 9 декабрь куни бўлиб ўтади.
