Ҳакими испанларни қўрқитиб қўйди
Эртага Марокаш Испания билан баҳс олиб боради.
Марокаш терма жамоаси ҳимоячиси Ашраф Ҳакими жаҳон чемпионати 1/8 финалида Испания билан бўладиган ўйин ҳақида гапирди.
“Испания терма жамоаси ушбу турнирда кучли 5 та жамоадан бири. Улар билан ўйинимиз бор, лекин биз ўзимизга ишонамиз. Биз ўз ўйинимизни кўрсатиб, ғалаба қозонишга ҳаракат қиламиз. Марокашдаги футболчилар ўз ишларини аъло даражада қилишмоқда. Гуруҳда биринчи ўринни эгалладик, ўйлайманки, бироз ҳурмат қозондик. Ишончим комилки, Испания буни тушунади ва улар биздан бироз қўрқишлари керак”, — дея Ҳакимини сўзларидан "Марcа" нашри иқтибос келтирди.
Эслатиб ўтамиз, Марокаш ва Испания терма жамоалари ўртасидаги учрашув эртага бўлиб ўтади. Бу жуфтлик ғолиби чорак финалда Португалия – Швейцария жуфтлиги ғолиби билан тўқнаш келади.
