Фати Хавидан хафа
У “Барселона”да кўпроқ ўйнашни хоҳлайди.
“Барселона” ҳужумчиси Ансу Фати жамоадаги ўйинидан норози эканини тан олди.
“Ёлғон айтмайман, тўғри, мен “Барселона”да кўпроқ ўйнашни кутгандим. Хавининг барча қарорларини тушунаман. Вазиятни ўзгартириш учун ҳар куни қўлимдан келганча меҳнат қилишим керак”, — дея Фатининг сўзларидан “Мундо Депортиво” нашри иқтибос келтирди.
20 ёшли Фати бу мавсумда испан жамоаси сафида 20 та ўйинда майдонда тушиб, 700 дақиқа вақт ўтказди ҳамда 3 та гол урди ва 3 та голли узатмани амалга оширди. Томонлар ўртасидаги келишув 2027 йилгача мўлжалланган.
Фати бугун Испания терма жамоаси сафида Марокашга қарши жаҳон чемпионати 1/8 финалида майдонга тушади.
