Месси ва Роналду финалда тўқнаш келадими?
Футболчилар ҳозирча Қатар-2022да дадил одимламоқда.
Жамоаларида сардор, энг яхши тўпурар ва термадаги ўйинлар сони бўйича рекордчи — бу ибора Мессига ҳам, Роналдуга ҳам тегишли. 21-асрнинг икки энг буюк футболчиси бир-бирига ўхшаш рекордларни янгилашда давом этмоқда. Бошқа томондан махсус пойгада иштирок этаётгандек туйилмоқда.
Роналдунинг ўйинлари пасаймоқда
Криштиану Роналду — ўзига хос футболчи. Шунингдек у ижтимоий тармоқда энг кўп обуначига эга ер юзидаги ягона инсон бўлиб турибди. Ўйин нуқтаи назаридан, Роналду бутун жамоа унга мослашиши керак бўлган футболчи.
Роналду айни дамда 37 ёшда. Ҳамда замонавий футболнинг энг ёрқин намоёндаси. У жуда талабчан. Агар бир ўйинда жамоаси ютқазаётган бўлса, ўзининг бор имкониятларини ишга солиб ғалаба қозонишга ҳаракат қилади. Ҳужумчи рақибларининг босимларида ўзини қандай тутишни жуда яхши билади. Ва бунақа пайтларда ўзини ҳеч қачон йўқотиб қўймайди. Роналду тинимсиз жарима майдончасига югуради ва очилишга ҳаракат қилади. Тўп ҳатто рақибда бўлса ҳам, унга босим қилиб, тўпни олиб қўйишга интилади. Яқинда “Манчестер Юнайтед”нинг собиқ бош мураббийи Ралф Рангник Роналду жамоанинг энг яхши тўпурари бўлиши учун бошқа клубни танлаши кераклиги ҳақида гапирган эди. Аммо “Манчестер Юнайтед”нинг янги бош мураббийи Эрик тен Хаг Роналду билан келишолмай қолди. Бундан ташқари уни асосий таркибда умуман майдонга туширмай қўйди. Роналдунинг баҳсли интервьюси унинг клубдан кетишига сабаб бўлди.
Қандай бўлмасин, португалиялик футболчи ЖЧ-2022 олдидан кам ўйин амалиётига эга бўлди. Португалиянинг асосий спорт газетаси “А Бола” бир сонида Роналдунинг қайдномага киритилишини шубҳа остига олганди. Нашр Криштианунинг ўйини пасайгани ва яна бир футболчи Бруно Фернандешнинг статистик маълумотларини келтирганди. Ҳамда Брунонинг ўзи Португалияни Қатарга бошлаб бориши ҳақида ёзганди.
Шу билан бирга, Португалияда Роналдуга сиғиниш ҳанузгача сақланиб қолган. Терма жамоада эса нима бўлишидан қатъий назар у заҳирада бўлса ҳам ўйнашда давом этмоқда. Албатта, капитанлик тасмаси билан. Ушбу турнирда ҳозиргача у рақиблар дарвозасига саккизта зарба беришга муваффақ бўлди. Турнирда битта гол урди.
Гуруҳ босқичидаги учта ўйинга эътибор қаратсангиз, ҳар сафар у камроқ вақт ўтказди. Бошқа томондан, Роналду футбол тарихида бешта жаҳон чемпионатида гол урган ягона футболчига айланди.
Жамоадошларини эргаштирадиган футболчи
Месси Роналдуга нисбатан мундиалда яхшироқ ҳаракат қилмоқда. Роналдудан фарқли ўлароқ, у бу мавсумда кўп ўйнади, гол урди ва кўп голли узатмани амалга оширди. “ПСЖ”даги биринчи йил омадсиз бўлиб чиқди, аммо энди аргентиналик футболчи ўз ўрнини топганга ўхшайди.
Фаолияти давомида Месси Роналдудан кўра терма жамоада ўйнагани учун кўпроқ танқид қилинган. 2016 йилда Лионел ҳаттоки Америка кубоги финалида чилиликлардан мағлубиятга учрагани учун терма жамоадан кетишини ҳам эълон қилганди (ўйиндан кейинги cерияда Месси пенальтини голга айлантира олмаганди). Ҳужумчи аргентиналик мухлислар томонидан тез-тез танқид қилиниб, у терма жамоадан кўра клуб учун кўпроқ фойда келтираётганини таъкидлаб келишади. Бироқ Месси терма жамоадаги фаолиятини якунлаганини эълон қилгач, Аргентинадаги вазият ўзгариб кетди.
Ҳужумчини ҳатто терма жамоага қайтишини мамлакат президенти Маурисио Макри футболчининг ўзидан сўраган. Буэнос-Айресда Мессига бағишланган ҳайкал очилган, унда 50 минг киши иштирок этганди. Улар футболчини терма жамоадаги фаолиятини якунламасликка чақиришган. Тез орада ҳужумчи фикрини ўзгартирди. 2021 йилда Месси ниҳоят узоқ вақт қўлга киритилмай келаётган Америка кубогида ғалаба қозонди. Финалда Бразилия терма жамоаси ўз майдонида мағлуб этилди. Ўша учрашувда ягона гол Ди Мария томонидан киритилганди.
Орадан бир йил ўтиб Аргентина терма жамоаси Финалиссима ғолибига ҳам айланди. Кубок Америка кубоги ва Европа чемпионати ғолиблари ўртасида бўлиб ўтади. Месси италияликлар билан ўйинда иккита голли узатмани амалга оширди. Леонинг бугунги термадаги мақоми шубҳа остида эмас. Бироқ, Лионел бу жаҳон чемпионати унинг фаолиятидаги сўнггиси бўлишини олдиндан эълон қилишга қарор қилди.
Ҳозирча у яхши ўйин кўрсатмоқда. Кўп жиҳатдан Месси бутун жамоани ўзига тортади: у аллақачон турнирда учта гол урди ва битта голли узатмани амалга оширди. Лео баҳсларнинг барчасида тўлиқ ўйнамоқда. Австралияликлар дарвозасига урилган голдан сўнг мухлислар худди унга сиғинаётгандек футболчига қўлларини чўзишди.
У чорак финалда турнирдаги натижалар борасида Роналдуни қувиб етиши мумкин. Агар иккала жамоа ҳам плей-офф босқичида ўйнашда давом этса, давримизнинг икки асосий ўйинчиси финалда тўқнаш келади.
