Суперкомпютер Бразилияни имкониятларини юқори баҳолади

 

Кеча Қатарда бўлиб ўтаётган жаҳон чемпионатининг 1/8 финал босқичи ўйинлари якунланди. “Фиве Тҳиртй Эигҳт” суперкомпютери жаҳон чемпионати учун курашда жамоаларнинг имкониятларини баҳолади. Эслатиб ўтамиз, компьютер жамоаларнинг ҳужум ва ҳимоядаги кучини акс эттирувчи “Соccэр Поwэр Индех” деб аталадиган кўрсаткичга асосланади. Жаҳон чемпионатининг чорак финалига саккизта жамоа чиқди. Булар Нидерландия, Аргентина, Франция, Англия, Хорватия, Бразилия, Марокаш ва Португалия. Суперкомпютерга кўра, ғалабага асосий даъвогарлар бразилияликлардир.

 

1. Бразилия – 33%

 

1/8 финалда “пентакампеонлар” Жанубий Корея терма жамоасини 4:1 ҳисобида мағлуб этишди. Гуруҳ босқичида бразилияликлар олти очко жамғаришди: улар Сербия (2:0) ва Швейцарияни (1:0) ҳисобида енгишди, сўнгги турда Камерунга (0:1) имкониятни бой беришди.

 

2. Португалия —14%

 

Плей-оффнинг биринчи ўйинида Криштиану Роналдусиз Португалия терма жамоаси Швейцарияни осонликча мағлуб этишди. Улар Швейцарияни 6:1 ҳисобида енгишди. Гуруҳ босқичини Пиреней ярим ороли вакиллари иккита ғалаба билан бошлади. Биринчи ўйинда Гана (3:2) ва иккинчи турда Уругвай (2:0), шундан сўнг муддатидан аввал 1/8 финалга йўлланмани қўлга киритиб, охирги баҳсда Жанубий Корея термасига имкониятни бой беришди.

 

3. Англия — 14%

 

Инглизлар Сенегални 3:0 ҳисобида мағлуб этиб, 1/8да ҳеч қандай муаммога дуч келишмади. Гуруҳда ҳам рақибларидан яққол устунлик қилишиб, тўққизта имкониятдан етти очко жамғарди. 1-турда Эроннинг мағлубияти (6:2) АҚШ билан дуранг (0:0), Уэлсдан (3:0) устунлик.

4. Аргентина – 13%

 

Плей-оффнинг биринчи ўйинида Скалони шогирдлари Австралия термасидан кучлироқ бўлиб чиқди. Аргентина турнирни Саудия Арабистонидан сенсацион мағлубият (1:2) билан бошлаган бўлса, кейинчалик гуруҳдаги қолган ўйинларда, Мексика ва Полшада ҳам худди шундай 2:0 ҳисобида зафар қучди.

 

5. Франция – 12%

 

1/8 финалда амалдаги жаҳон чемпионлари полшаликларни ишончли тарзда мағлуб этишди (3:1). Франция гуруҳда муддатидан аввал кейинги босқичга чиқди. Дастлабки икки ўйинда Диде Дешам шогирдлари Австралия ва Данияни мағлуб этди. Шундан сўнг охирги ўйинда Тунисга имкониятни бой берилди.

 

6. Нидерландия – 7%

 

Плей-оффнинг илк ўйинида голландлар АҚШ термасини мағлуб этишди. Терма жамоа турнирни Сенегал устидан 2:0 ҳисобида қозонилган ғалаба билан бошлаган бўлса, шундан сўнг Эквадор билан дуранг ўйнади (1:1), сўнги турда Қатар мағлуб этилди.

 

7. Хорватия – 4%

 

1/8 финалда хорватлар Япония терма жамоасини пенальтилар сериясида мағлуб этишди. Гуруҳда жаҳоннинг амалдаги вице-чемпионлари фақат битта ўйинда, аниқроғи, 2-турда Канадага қарши ўйинда (4:1) ғалаба қозонишган. Бундан ташқари, иккита голсиз дуранг қайд этилди. Булар Марокаш ва Бельгияга қарши.

 

8. Марокаш – 3%

Африка термаси плей-оффнинг биринчи ўйинида испанларни сенсацион тарзда мағлуб этди. Марокашликлар турнирни Хорватия термаси билан 0:0 ҳисобидаги дуранг билан бошлашди. Шундан сўнг Бельгияни (2:0) ва Канадани (2:1) ҳисобида мағлуб этишди.

 

Олдинги башоратлар амалга ошдими?

 

Эслатиб ўтамиз, аввалроқ суперкомпютер ЖЧ-2022 1/8 финалининг барча ўйинлари натижаларини башорат қилган эди. Унда саккизта натижадан еттитасини тўғри аниқлади, фақат Марокаш - Испания жуфтлигида хатога йўл қўйди. Эслатиб ўтамиз, чорак финал баҳслари 9 декабрь куни бошланади.