Ди Мария Ван Гални ёмон кўраркан
У бунинг сабабини айтди.
“Ювентус” ва Аргентина терма жамоаси ярим ҳимоячиси Анхел Ди Мария нима учун “Манчестер Юнайтед”ни тарк этишга қарор қилганини айтди.
“Мураббий билан муносабатларимиз бузилган эди, мен “Манчестер Юнайтед”ни оғир ҳолатда ташлаб кетмоқчи эдим. Раҳбарият Луи ван Гал менинг асосий муаммом эканлигини биларди. Бир ўйинда биз 3:0 ҳисобида ғалаба қозондик, мен гол урдим ва голли узатма бердим, эртаси куни эса у менга қўнғироқ қилиб, ҳар бир ёмон узатмамни видеосини кўрсатди. Фаолиятимдаги энг ёмон мураббий”, — дея “Атақуэ Футболеро” нашри футболчининг сўзларидан истибос келтирди.
Эслатиб ўтамиз, Ди Мария 2014 йилнинг августида “Реал”дан 75 миллион евро эвазига “Манчестер Юнайтед”га ўтганди. Икки йилдан сўнг аргентиналик футболчи инглиз клубини тарк этди. Футболчи инглиз клуби сафида жами 32 та ўйин ўтказиб, 4 та гол урди ва 12 та голли узатмани амалга оширди.
