Зидан мундиалдан кейин Францияни бошқарадими?
Бунга Дешам жавоб берди.
Франция терма жамоаси бош мураббийи Дидье Дешам Қатарда бўлиб ўтаётган 2022 йилги жаҳон чемпионатидан кейин терма жамоани тарк этиши ва унинг ўрнига Зинедин Зидан келиши ҳақидаги миш-мишларга изоҳ берди.
“Саволингиз учун раҳмат, ҳозир бу ҳақда гапиришнинг вақти эмас. Ҳозир биз фақат жаҳон чемпионатининг ярим финалига чиқишни хоҳлаймиз”, — дея инсайдер Фабрицио Романо мураббийнинг сўзларидан иқтибос келтирди.
Франция терма жамоаси эртага, Қатарда бўлиб ўтаётган жаҳон чемпионати чорак финалида Англия терма жамоасига қарши майдонга тушади. Дешам Франция терма жамоасида 2012 йилдан буён ишлаб келади. Унинг қўли остида французлар ЖЧ-2018да ғалаба қозонишди ва 2016 йилги Европа чемпионати финалига чиқишди. Миш-мишларга кўра, Қатардаги турнир якунланганидан кейин Дешам Зиданнинг ўрнини эгаллаши мумкин.
