“Арсенал” Феликсга қизиқмоқда
У жароҳат олган Габриел Жезуснинг ўрнини босиши мумкин.
“Арсенал” қишки трансфер ойнасида Мадриднинг “Атлетико” клуби ҳужумчиси Жоау Феликсни сотиб олиш имкониятини кўриб чиқмоқда. Португалиялик футболчи жамоада жароҳат олган Габриел Жезуснинг ўрнини эгаллаши мумкин. Бу ҳақда “Марcа” хабар бермоқда.
Олдинроқ “Атлетико” 23 ёшли футболчини сотишга тайёрлиги ва унинг трансфери учун 2019 йилда Феликс учун “Бенфика”га тўланган 120 миллион еврони сўрагани хабар қилинганди. “Арсенал” футболчи учун катта пул сарфлаши мумкин.
23 ёшли Феликс Португалия термаси жамоаси сафида Қатардаги жаҳон чемпионатининг тўртта ўйинида битта гол ва иккита голли узатмага муаллифлик қилди.
