Касильяс мундиалдан қандай натижа кутаётганини айтди
У кучсиз жамоанинг чемпионлигини хоҳламоқда.
“Реал” ва Испания терма жамоасининг собиқ дарвозабони Икер Касильяс Қатарда бўлиб ўтаётган жаҳон чемпионатида қайси жамоа ғолиб бўлишини хоҳлаётганини айтди.
“Мен Хорватия ёки Марокашнинг ғалаба қозонишини истардим. Лекин Аргентина каби тарихий футбол анъанасига эга жамоа ҳам бор, жаҳон чемпиони Францияда эса жуда яхши авлод бор. Умид қиламанки, улар жуда яхши ўйин ўтказишади”, — дея Касильяснинг сўзларидан “Диарио Спорт” нашри иқтибос келтирди.
Эслатиб ўтамиз, марокашликлар Португалия устидан қозонилган ғалабадан сўнг турнирнинг ярим финалига йўл олишди. Улар бу босқичда Франция билан баҳс олиб боради. Ярим финалнинг иккинчи жуфтлигида Хорватия ва Аргентина жамоалари тўқнаш келади.
