Балотелли Роналдуни нега ҳурмат қилишини айтди
У Криштианунинг мухлиси эмас.
“Сион”нинг италиялик ҳужумчиси Марио Балотелли Португалия терма жамоаси сафида Қатарда бўлиб ўтаётган ЖЧ-2022ни тарк этган ҳужумчи Криштиану Роналду ҳақида гапирди.
“Мен Криштианунинг мухлиси эмасман, буни ҳамма билади, лекин футбол учун қилган ишлари учун бу йигит кўпроқ ҳурматга лойиқ”, — дея Балотелли ижтимоий тармоқдаги саҳифасига пост жойлади.
Эслатиб ўтамиз, ЖЧ-2022 1/4 финалида Португалия терма жамоаси Марокаш терма жамоасига мағлуб бўлганди. Учрашув Доҳадаги “Эл Тумама” стадионида бўлиб ўтди ва 1:0 ҳисобида Марокаш жамоаси фойдасига ҳал бўлди. Роналду ушбу учрашувда Португалия терма жамоасининг асосий таркибига киритилмади ва ўйиннинг 51-дақиқасида захирадан майдонга тушди, аммо гол ура олмади.
