43 ёшли Пакьяо яна икки боксчи билан жанг қилмоқчи
У ўтган йили нафақага чиққанини маълум қилганди.
43 ёшли филиппинлик боксчи, саккиз вазн тоифасида собиқ жаҳон чемпиони Менни Пакьяо енгил вазн тоифасидаги Теренс Кроуфорд ва Эррол Спенсга қарши жанг қилмоқчи эканлигини айтди.
Кроуфорд WBО йўналиши бўйича жаҳон чемпиони, Спенс эса WBC, WBА ва IBF чемпионлик камарлари соҳиби.
“Мен Теренс Кроуфорд ёки Эррол Спенс билан жанг қилишни хоҳлайман. Ҳақиқий жаҳон чемпиони деган номни сақлаб қолишга ҳаракат қиляпман. Мен дунёдаги энг зўр боксчилар билан жанг қилдим. Нафақага чиққанимга бир йилдан ошди, лекин сиз мени аввалги даражасида эмас деб айта олмайсиз. Мен ҳали ҳам ҳар куни машғулот ўтказаман”, — деди Пакьяо.
Эслатиб ўтамиз, 10 декабрь куни Пакьяо кўргазмали жангда жанубий кореялик блогер Ди Кай Ёни мағлуб этганди.
