Аргентиналик мухлисларга нисбатан куч ишлатилди
Кеча Месси бошчилигидаги жамоа финал йўлланмасини қўлга киритганди.
Кеча оқшом Қатарда бўлиб ўтаётган футбол бўйича жаҳон чемпионатининг ярим финалида Аргентина Хорватияни 3:0 ҳисобида мағлуб этди. Шу тариқа жанубий америкаликлар мусобақанинг финал босқичига йўлланмани қўлга киритди.
Шундан сўнг ўн минглаб аргентиналик мухлислар терма жамоанинг жаҳон чемпионати финалига чиққанини нишонлаш учун кўчаларга чиқишди. Оқибатда катта тиқилинч ҳосил бўлди. Унинг олдини олиш учун полиция Буэнос-Айрес марказида газ ишлатди ва кўчаларнинг бир қисмини тўсиб қўйди.
Эслатиб ўтамиз, мундиалнинг иккинчи ярим финал ўйини бугун бўлиб ўтади. Унда Франция ва Марокаш термалари куч синашади.
