“Франция ғалаба қозониш йўлини топди”
Жон Терри жамоа ҳақида гапирди.
Англия терма жамоасининг собиқ ҳимоячиси Жон Терри Франция ва Марокаш ўртасидаги жаҳон чемпионати ярим финал учрашуви натижаларига изоҳ берди.
“Франция ғалаба қозониш йўлини топди. Лекин ўйинчиларнинг даражасини ҳисобга олсак, улардан кўпроқ нарсани кутгандим. Ўйлайманки, марокашликлар 90 дақиқа давомида яхшироқ ўйнашди”, — дея Жон Террининг сўзларидан FIFА расмий сайти иқтибос келтирди.
Эслатиб ўтамиз, учрашув Франция терма жамоасининг 2:0 ҳисобидаги ғалабаси билан якунланганди.
Финалда французлар Аргентина терма жамоаси билан куч синашади. Учрашув 18 декабрь куни бўлиб ўтади. Аввалроқ Аргентина терма жамоаси ярим финал учрашувида хорватлар устидан 3:0 ҳисобида зафар қучганди.
Марокаш терма жамоаси учинчи ўрин учун ўйинда Хорватия терма жамоаси билан ўйнайди.
