“Месси жаҳон чемпиони бўлса яхши бўларди”
Кроос жаҳон чемпионатида кимга мухлислик қилишини айтди.
Мадриднинг “Реал” клуби ярим ҳимоячиси Тони Кроос Қатарда бўлиб ўтадиган жаҳон чемпионати финалида кимга мухлислик қилиши мумкинлигини айтди.
“Жаҳон чемпионати финалида кимга мухлислик қиламан? Агар шахсий сабаблар ҳақида гапирадиган бўлсак, икки жамоадошим Франция терма жамоасида ўйнайди (ярим ҳимоячилар Аурелиен Тчуамени ва Эдуардо Камавинга). Бироқ, Мессидек футболчи жаҳон чемпионлигини қўлга киритса яхши бўларди”, — дея Крооснинг сўзларидан “Реал Тотал” нашри иқтибос келтирди.
Аргентина терма жамоаси ЖЧ-2022 финалида Франция терма жамоаси билан ўйнайди. Ўйин 18 декабрь куни бўлиб ўтади.
