“Биз сиз билан фахрланамиз”
“Барселона” ҳам четда қолмади.
“Барселона” Аргентина терма жамоаси ҳужумчиси Лионел Мессини ЖЧ-2022 ғолиби бўлгани билан табриклади.
Футболчининг ижтимоий тармоқдаги саҳифасида турнирда ғолиб чиққани ҳақида ёзилган постига изоҳларда Каталония клуби “Биз сиз билан фахрланамиз” деб ёзилган.
Эслатиб ўтамиз, жаҳон чемпионати финалида Аргентина терма жамоаси Францияни пенальтилар церийасида мағлуб этди. Месси учун бу терма жамоадаги биринчи жаҳон чемпионати кубоги. 2014 йилда ҳам у турнир финалида иштирок этган, бироқ қўшимча бўлимлардан сўнг унинг жамоаси Германияга 0:1 ҳисобида мағлуб бўлганди.
Месси Қатардаги турнирнинг энг яхши футболчиси деб топилди. Аргентиналик ҳужумчи турнирда еттита гол урди ва учта голли узатмани амалга оширди.
