Франция кейинги 10 йил ичида энг кучли жамоа бўлади

 

Франция терма жамоаси кетма-кет иккинчи жаҳон чемпионатида ғалаба қозонишга жуда яқин келди. Ва кўпчиликнинг фикрига кўра, жамоа мусобақа ғолиблиги учун асосий давогарлардан бири эди. Агар сиз финалдаги натижани ҳисобга олмаган ҳолда жамоа таркибига қарасангиз, юлдуз футболчиларнинг аксарияти жуда ёш эканлигини кўришингиз мумкин.

 

Улар ҳал қилувчи учрашувга аъло даражада тайёргарлик кўришди. Шу боис ярим финалда Марокаш билан осон ўйин ўтказишди. Мбаппе эса, умуман олганда, чорак финалдан дам олди. У Англия билан баҳсда ажойиб ўйин ўтказди.

 

Мутахасисларнинг фикрича, кейинги ўн йил футбол оламида Франция ҳукмронлиги даври бўлади. Бунинг битта, лекин муҳим сабаби бор: Килиан Мбаппе тез орада расман дунёнинг энг яхши футболчисига айланади. Бугун ҳужумчи 24 ёшга тўлди. 2026 йилги жаҳон чемпионатида у 27 ёшда, 2030 йилги жаҳон чемпионатида эса 31 ёшда бўлади. 2034 йилда эса 35га киради. Ва футболчи бу вақтга келиб, терма жамоадаги фаолиятини якунламайди. У билан бирга терма жамоада яна бир қанча ёш иқтидорли футболчилар бор. Мундиалдаги финалда заҳирадан майдонга тушганларнинг деярли барчаси асосий юлдуз билан бир хил ёшда. Камавинга, Тҳурам, Коман, Коло Муани, Конате - буларнинг барчаси ёши улғайиб қолган ҳозирги футболчиларни алмаштиришга тайёр турибди. Шунингдек бу футболчилар улардан янада кучлироқ бўлади.

 

Тез орада Дешам (агар у термада қолса) Мбаппени ҳужум марказига ўтказиши мумкин. Биз эса Роналдудан кейин терма жамоа даражасидаги энг кучли “тўққизликни” кўрамиз. Умуман олганда, француз мураббийи бундай ресурслар билан ўйинни жуда соддалаштиряпти деган фикр бор. Демак, унинг кетишига ҳали эрта. Дешам янги ғалабаларни ютиш учун ҳамма нарсага эга.

 

Бразилия Францияга асосий рақобатчи бўлиши кутиляпти. Сабаби жамоада анъанавий равишда ҳар доим истеъдодлар етишиб чиқади. Бироқ бугунги Франциядаги футболчилар совуқ қонли “роботлар” бўлиб, улар бир неча йилда бир марта қайта ишга тушади. Ва бу Аргентина билан ўйиннинг дастлабки 80 дақиқасида содир бўлди. Ундан олдин эса Швейцария билан Евро-2020 плей-оффида.

 

Бразилияга доим руҳий жиҳатдан кучли футболчилар етишмайди. Францияда эса улар жуда кўп. Бу иккисига рақиб Испания ҳам бўлиши мумкин. Бироқ, бу жамоада ҳам ёш футболчилар юқори даражага эриша оладими деган савол туғилади. Бундан ташқари Месси, Ди Мария ва Де Паулага таянадиган Аргентина бор. Аммо Аргентинанинг икки футболчиси 2026 йилда ўйнамаслиги аниқ.

 

Шундан билиш мумкинки, ҳозирда Франция дунёнинг энг мувозанатли жамоаси. Яқин 10 йил ичида Европа ва жаҳон футболи ривожини белгилаб берадиган мукаммал жамоа. Уларда Мбаппе ва унинг бир қанча шериклари бор.