“Ҳеч қачон ўзимни бошқалар билан солиштирмайман”
Ҳоланд футбол оламида янги давр бошланаётганига ишора қилди.
“Манчестер Сити” ҳужумчиси Эрлинг Ҳоланд “ПСЖ” ҳужумчиси Килиан Мбаппе билан рақобат ҳақида ўз фикрларини билдириб ўтди.
Футбол экспертлари айнан 22 ёшли норвегиялик ва 24 ёшли француз ҳужумчиси яқин йиллар ичида футбол оламининг янги “Криштиану Роналду ва Лионел Месси”сига айланишини тахмин қилишди.
“Роналду ва Месси муваффақиятлари билан бир-бирига туртки бўлгани каби, Мбаппе билан рақобатим ҳам ижобий натижа бериши мумкин, аммо мен ҳеч қачон ўзимни бошқалар билан солиштирмайман”, — деди Ҳоланд.
Эслатиб ўтамиз, 2022 йилги футбол бўйича жаҳон чемпионатида Килиан Франция терма жамоасида ўйнаб, турнирнинг энг яхши тўпурари бўлди. “Уч ранглилар” жаҳон чемпионати финалига қадар етиб боришди ва Аргентина терма жамоасига пенальтилар церийасида мағлуб бўлишди. Норвегияликлар Ҳоланд билан биргаликда жаҳон чемпионатининг финал босқичига чиқа олишмади.
