Лео Месси эмоционал пост ёзди
Унда жаҳон чемпионининг қувонч ва қайғулари баён қилинган.
Лионел Месси жаҳон чемпиони бўлиш қанчалик қийин бўлганини айтди. Бу ҳақда у Инстаграмда эмоционал пост ёзди.
35 ёшли футболчи жаҳон чемпионатида ғалаба қозониш учун қанча вақт кетганини айтиб берди ва орзу қилинган совринни қўлга киритишда иштирок этган барчага миннатдорчилик билдирди.
“Грандолидан (Мессининг биринчи клуби) Қатарда бўлиб ўтган жаҳон чемпионатигача деярли 30 йил ўтди. Бу вақт ичида тўп менга жуда кўп қувонч ва озгина қайғу ҳам берди. Мен доим жаҳон чемпиони бўлиш ҳақида орзу қилганман. Мен уринишдан тўхташни хоҳламадим, ҳатто бу ҳеч қачон амалга ошмаслигини билсам ҳам.
Қўлга киритилган бу кубок ҳам биз ўйнаган олдинги жаҳон чемпионатларида уни ололмаганларнинг ҳаммасига тегишли.
Бизни осмондан қўллаб-қувватлаган Диего Марадонага, ҳар доим терма жамоани қўллаб-қувватлаган, натижа ҳақида эмас, балки биз ҳақимизда қайғурган барчага тегишли. Ва, албатта, бу ажойиб жамоага, мураббийлар штаби ва терма жамоадаги барча инсонларга чин қалбимдан катта раҳмат”, — дея постни якунлаган ҳужумчи.
