“Ювентус” Европа мусобақаларидан четлаштирилиши мумкин
Клуб устидан тергов ишлари бошланган.
Европа футбол ассоциациялари иттифоқи “Ювентус”ни Еврокубоклардаги иштирокидан четлаштириши мумкин. Бу ҳақда “La Gazzetta dello Sport” нашри хабар берди.
Манбага кўра, молиявий қоидабузарликлар факти тасдиқланса, “Ювентус”га нисбатан халқаро турнирлардан четлаштириш кўринишидаги санкция қўлланилади. Айни дамда клуб устидан тергов ишлари олиб борилмоқда.
Эслатиб ўтамиз, аввалроқ ОАВ коронавирус пандемияси даврида “Ювентус” ўз футболчиларига яширинча маош тўлагани ҳақида хабар берган эди, гарчи клуб ўйинчилари пулдан вақтинчалик воз кечганини очиқ эълон қилган бўлсада. “Кекса синора” 17 нафар футболчига 60 миллион еврога яқин маош тўлаган. Оммада футболчилар маошдан бош тортгани ҳақида эълон қилинганига қарамай, “Юве” раҳбарияти ўйинчилар билан яширин шартномалар тузиб, катта маблағ тўлашган.
