Зидан Дешамнинг ўрнини эгалламайди
У Италияга кетади.
Мадриднинг “Реал” клуби собиқ бош мураббийи Зинедин Зидан агар Диде Дешам Франция терма жамоасида қолса, клуб футболида иш излайди. Бу ҳақда “LʼEquipe” нашри хабар берди.
Қайд этилишича, Дешам Франция терма жамоаси билан янги шартнома тузса, 50 ёшли мутахассис Италиянинг “Ювентус” клубида ишлаш учун жалб этилиши мумкин. Зидан 1996 йилдан 2001 йилгача “кекса синёра”да футболчи сифатида ўйнаган.
Франциялик мураббий 2021 йилнинг май ойида “Реал”ни тарк этганди. У клубда 2016 йилдан 2018 йилгача ишлаган ва 2019 йилда яна қайтиб келганди. Унинг қўл остида жамоа уч марта Чемпионлар лигаси, икки марта Испания чемпионати, икки марта Испания Суперкубоги, икки марта UEFА Суперкубоги ва икки марта клублар ўртасидаги жаҳон чемпионатида ғолиб чиқди.
