Луис Энрике Бразилияни бошқариши мумкин
Музокара бошланган.
Испания терма жамоасининг собиқ бош мураббийи Луис Энрике Бразилия терма жамоасини бошқаришга яқин турибди. Бу ҳақда “Globo Esporte” нашри хабар бермоқда.
Манбага кўра, Бразилия футбол федерацияси Бразилия терма жамоасининг Қатарда бўлиб ўтган 2022 йилги жаҳон чемпионатидаги муваффақиятсиз ўйинидан сўнг терма жамоа бош мураббийлигига хорижлик номзодларни кўриб чиқмоқда. Бразилияликлар турнирнинг чорак финалида Хорватияга пенальтилар cериясида мағлуб бўлишди. Терманинг аввалги устози Тите Қатардаги жаҳон чемпионати якунида ўз лавозимини тарк этди.
Бразилия терма жамоасидаги лавозимга бошқа номзодлар орасида “Челси” ва “ПСЖ” собиқ устози Томас Тухел, “Реал”нинг собиқ бош мураббийи Зинедин Зидан ва аргентиналик Марсело Галлардо ҳам бор.
