“Уни биринчи кўрганимда вақт тўхтагандек бўлган”
Роналдунинг севгилиси футболчи билан биринчи учрашуви ҳақида гапирди.
Португалиялик ҳужумчи Криштиану Роналдунинг севгилиси, машҳур модель Жоржина Родригес “Олтин тўп”нинг беш карра соҳиби билан биринчи учрашуви ҳақида таассуротлари билан ўртоқлашди.
“Криштиануни бир қарашда севиб қолганман. Мен уни биринчи марта кўрганимда, вақт тўхтагандек туюлди. Мен ҳеч қачон бундай муомалали ва эҳтиёткор одамни кўрмаганман. Днёдаги энг яхши футболчи билан биргалигимдан бахтиёрман. Эҳтимол, бизнинг муносабатларимиз кўплаб орзуларим рўёбга чиқишига имкон берган бўлса керак. Фаррош, сотувчи ёки модель бўлишимдан қатъи назар, мен ҳар доим қилган ишимга бир хил иштиёқ билан ёндашганман”, — деди Родригес.
Аввалроқ, Роналду “Манчестер Юнайтед” билан келишувни бекор қилганидан кейин эркин агентга айланганди. 37 ёшли португалиялик жорий мавсумда "қизил иблислар" сафида 16 ўйинда 3 та гол урди ва 2 та голли узатмани амалга оширди.
