"Депутатларни оғзини ёпадиган "зам"ларни боридан йўғи яхши"
Расул Кушербаев спикер ўринбосаридан норозилигини билдирди.
Олий Мажлис Қонунчилик палатаси депутати Расул Кушербаев твиттер саҳифасида бу галги бюджет муҳокамаларида иштирок этмагани, спикер ўринбосари, Улуғбек Иноятов унга сўз бермагани ва мажлисдан чиқиб кетгани ҳақида ёзди.
"Бу сафарги бюджет муҳокамаларида иштирок этмадим. Катта ҳажмдаги лойиҳани ўқишга ҳам етарли вақт берилмади. 1-ўқишда ялпида сўз сўрасам "зам" спикер У.Иноятов очиқчасига сўз бермади. Сўнг мажлисдан чиқиб кетдим ва кирмадим. Депутатларни оғзини ёпадиган "зам"ларни боридан йўғи яхши", — деган депутат.
