Телевизор олдига яқинроқ ўтиринг

 

Франция терма жамоаси ва “ПСЖ” ҳужумчиси Килиан Мбаппе 2022 йилда Қатарда бўлиб ўтган жаҳон чемпионати якунланганидан сўнг дунёнинг энг қиммат футболчисига айланди. Бу ҳақда “Трансфермаркт” портал хабар берди.

 

Трансфермаркт Қатардаги жаҳон чемпионати якунлари бўйича футболчиларнинг трансфер нархларини янгилади. Мбаппе энг қиммат футболчига айланди. Унинг нархи 20 миллион еврога (160 миллион евродан 180 миллион еврога) ошди. Нархлари бўйича у “Манчестер Сити” ва Норвегия терма жамоаси ҳужумчиси Эрлинг Ҳоландни ортда қолдирди.

 

Шунингдек, Аргентина ва “Бенфика” ярим ҳимоячиси Энсо Фернандеснинг нархи 20 миллион еврога (35 миллион евродан 55 миллион еврога) ошди. “Манчестер Сити” ҳужумчиси Хулиан Алвареснинг трансфер нархига 18 миллион евро қўшилди ва энди унинг нархи 50 миллион еврога баҳоланмоқда.

 

Жошко Гвардиол (75 миллион евро, Хорватия), Коди Гакпо (60 миллион евро, Голландия) ва Софян Амрабат (25 миллион евро, Марокаш) ҳар бирининг нархи 15 миллион еврога ошди. Гвардиол дунёнинг энг қиммат ҳимоячисига айланди.